【劇本】一代戰西2

前言:有見王家衛苦役十年,一代宗師終於落實上畫,那邊廂,周星馳無神神又話有套西遊上畫,香港兩大名導交貨,再加上二位名不經傳的新人有套寒戰,大收旺場,號稱10年來最好港片,一時間港產片迎來了小陽春,搞得我雄心勃發,不禁馬上構思了一齣驚天好戲。我敢說我的這套劇本融合了以上三套大片的精華,集奇情、浪漫、科技、爆笑、無厘頭、道理多…..於一身,總之港產片有的好東西都有,港產片沒有的都有,看過你就知道了。廢話少說,即刻去片

【一代戰西】

1

星光大道。金鼓喧闐。衣香鬢影。JANICE MAN曳長裙,阿SA擺蠻腰,阿嬌晒象腿。章子怡傍着一個戴墨鏡的男子正準備步入會場,但被貎似G4的保安攔下

保安:先生,PASSWORD?

墨鏡男子惑中帶惱:PASSWORD?什麼PASSWORD?那麼,阿卡沙加爸也,阿囡卡瑪囡摸囡是嘩吓?

保安:先生,這裡是香港電影金獎像頒獎典禮,只有受邀嘉賓才可以進入。

男子:我係王家衛喎!你唔識我呀?

保安按弄手中儀器,稍頃,臉上一臉驚惶:咦,你係王大導?根據紀錄,你已經係2016年拿左終身成就獎,之後就………

王:乜野終身成就獎呀?

保安:王生,根據資料,你1958年生,今年2046,你已經…..88?

王:2046?唔係呀嘛?

一陣周星馳式定鏡。

王:邊鬼個做編劇咁鬼渣架?2046?你睇下阿SA同阿嬌,同2012年完全一模一樣既?

保安:哦,這個嘛,王生你知啦,佢地係正宗港女泥架,港女係唔會長大架!

王:咁港男呢?果邊果個唔係霆鋒?咪一樣冇老到?

保安:哦,那是LUCAS來的,霆鋒在那邊呢—–

手指指處,左手插袋戴墨鏡容光煥發的一個型伯—-以往人稱謝賢

王:真係2046?咁我返唔返到2012呀?

保安:哦,時光穿梭啫,王生你做電影咁耐應該好在行呀.

王:吓?我點人就得啫,宜家我俾人點緊喎……

2

一陣周星馳式奸笑,畫面收結在周星馳手提電話上。

周:哈,時空穿梭,要唸咒語架嘛懵丙!今勻我仲跣到你應一應,等你玩2046玩得咁開心丫嗱!

一個不知名的新星女郎偎在周星馳身上。

女:星爺,原來噚晚你將月光寶盒送俾王導是有用意的.

周:駛乜講,不過果個係我係東莞特別叫人老翻架咋,可唔可以正常FUNCTION我唔包架,啍啍…係呢,點解咁耐我地仲未到既司機?

司機?司機?司機?周大叫了幾聲,原來沒有司機.

女:星爺,有件事我希望你不要怪我

周:什麼事?

女:昨晚我見你送左個月光寶盒俾王導,所以我私底下問他可不可以借他的2046…

周:你唔係話俾我聽我地宜家坐緊既就係2046丫嘛

女:係…

周:哈哈,依架就係傳說中既2046列車,聽講上左去既人無人返到去架喎…..

女:……

周:你唔係話俾我聽我地宜家去繄2046見王家衛丫嘛?吓?

女:不,其實2046係開向…..永恆架…..

周:乜野話?你個仆…….永….永恆?

女:星,你不是說愛我一萬年的嗎?因為你這樣說,我才特意為我們製造這個驚喜的,你沒有留意我今天的造型嗎?是你最愛的紫霞…..

周:誰說我愛的是紫霞,我愛的是……

女:哦,莫非是朱茵?我得架,你俾D時間我,我可以改架…….

周:你改什麼呀?一萬年只是我年少輕狂的胡塗,現在的我只想要今晚……

女:星,我不介意,其實我知道你的,自私冷漠,我知道于文鳯追你8000萬,我知道和你合作過的人都唱衰你,我還知道那句所謂”如果要為這份愛加個限期”是抄王家衛的,因為在大陸受到熱捧你就視為己出,但我真的不介意…….

周:那,那你愛我什麼?