【不是膳稿】香港樂壇的生與死

嗱,聲明先,作為一個密切關注香港樂壇發展的觀察者,我有責任向大家介紹一下香港樂壇新晉2人女子組合LEMON-B,最新派台,檸檬時空,即刻去片:

網上反應一面倒喎,勁DISLIKE喎,點先?唉,今勻我縱使有生花妙筆三寸不爛搵伍晃明來都拗唔返生啦!唯有死因研訊啦!

各位同學,宜家係人都知吹緊韓風架嗎,雖然香港人練精學懶慣,想抄也抄不來,於是你就偷工減料翻叮TWINS,仲夾硬扮台妹,真是天真!你以為台妹容易扮的麼?人家台灣也是很敬業的,不過就算扮到台味十足又如何呢?宜家香港國父陳雲以及一眾信徒遇神殺神見鬼姦鬼,這首歌被他聽見肯定又要癲多兩錢重,然後他的信眾又起哄,唉,到時兩位小妹妹被人柴台罵賣港就真係太掃興了!

我看見這兩位清新少女在玩動畫,我就真係啤一聲,乜野世紀呀大佬!我真係馬上要找一下我們香港的經典之中的經典典幫大家重溫一下香港情懷先得:

有冇睇到呀?!張立基呀!在香港一閃即逝的……..你叫他名星又得,二打六又得,總之,在這位仁兄身上,我們看到了一個時代的記錄,你看看他,真是又唱又跳,一秒都唔停,係一秒都唔停呀!依D咪叫敬業囉!

唉,回想起來,你想想以前,連黎明咁木獨都要跳ICHIBAN, 連學友都有餓狼傳說,連華仔都有獨自去偷歡,宜家呢?EASON一跳蛋遭殃,林峰一跳噓冧牆!點解?我真的想說,香港社會真是越來越膠質了!當然,這個要怪林忌這狗賊,每日一膠,搞到香港咁鬼樣!

算了,香港始終是有好東西的,你細心看看以下這首歌,看看有沒有感受到一種時代精神,一種失落,一種召喚,真的,KPOP宜家咁鬼HIT,成功秘訣真是可以在這首歌找得到答案的: