陶傑插爆孔慶東?咪玩喇

蘋果日報有段陶傑發炮 一嘢插啞孔叫獸

以孔子後裔自居嘅北京大學教授孔慶東,早前大放厥詞辱罵港人係狗,不但激起港人憤慨,「港狗論」更變成國際事件,連才子陶傑都頂住條氣,二話不說應鳳凰衛視邀請,噚日同孔慶東透過電話進行 PK戰。
陶傑全程用普通話直斥孔教授所說守法是犯賤的人性惡言論,對不起主張人性善嘅老祖宗孔子。孔慶東被陶傑插到口啞啞,完全 PK掉。

還香港人一個公道
風蕭蕭兮易水寒,披甲上陣嘅陶傑同八方講,孔慶東嘅廢話已經變成國際醜聞,路透社、 CNN等國際媒體都有報道,自己要挺身出嚟同孔教授辯論,還香港人一個公道,「主持人係胡一虎,除咗我之外,仲有其他內地學者,幾乎一面倒圍插孔慶東」。
陶傑同八方話,孔慶東嘅立論「連維園阿伯都不如」,佢講嘅「港狗論」只是意氣之爭,「我認係狗,因為我係狗年出生」。節目中,孔慶東死撐港狗論唔係侮辱港人,說法「沒有不適當」,「有人話中聯辦彭清華都話對佢言論表示遺憾,佢啲打手仲撐香港傳媒騎劫咗彭清華;我即刻發炮話彭清華嘅回應做晒 search,點會亂噏。佢冇晒聲出。」
陶傑又話,節目中挑戰孔慶東所講「守法就係犯賤」,「如果守法就係犯賤,大陸自己都講以法治國,咁大陸有 13億人口,全部都係犯賤,佢咁講法咪同大陸倒米。我同孔慶東話,佢自稱係孔子後人,但佢嘅言論係宣揚秦始皇、李斯法家管治,假設人係性惡,要用嚴刑,完全同佢祖宗孔子所講嘅人性善唱反調,當年秦始皇焚書坑儒,就係坑咗佢老宗祖。」
被陶傑搶白一輪,孔教授完全唔識反應,口啞啞,被 PK落台。佢啲打手打圓場話,孔慶東只不過對港人愛之深,恨之切云云,死都拿番渣沙。
http://hk.apple.nextmedia.com/template/apple/art_main.php?iss_id=2012020…

說陶才子寫專欄抽水就話啫,如果找他來和孔慶東鬥嘴?十個陶傑都唔夠講喇!不過這個太傷香港人自尊心,不說也罷!不吐不快的是,蘋果日報竟然咁做假新聞就真係得心驚。陶傑受訪的那個節目叫一虎一席談,完全自說自話,孔根本不在,何來什麼鬼:被陶傑搶白一輪,孔教授完全唔識反應,口啞啞,被 PK落台?何來什麼”一野插啞孔教授”呀?

然後蘋果搞笑到自己訪問陶傑一次,讓人以為那是陶傑怒插孔慶東的原話,其實陶傑邊有咁威呀!陶傑好識撈的!