論區議會

區議會選舉,各路群英大玩推背圖,除了不知去了哪裡找尋美食的梁文道,我不知道還有誰未發表過高見。當中表表姐,當然是蔡蔡子強啦,連發七篇咁多,小霸王文少略遜一籌,得六篇,不過此子經天緯地,提出了相當具有建設性的「文少七策」,企圖挽狂瀾於既倒,拯救社民連,真是令人………………..

這些評論真的看得我有點反肚。唉!羅力威又未出碟,容祖兒又未嫁,陳冠希又未收手,香港問題這麼多,區議會到底有什麼值得我們這麼重視的呀?

我問這樣一個問題:點解區議會唔摺埋?

即使是人民力量,明知輸硬,明明玩野,黃洋達還呼籲過投白票,但他們依然落場,依然玩得樂此不疲。為什麼不杯葛?為什麼不像杯葛特首選舉杯葛功能組別一樣杯葛區議會?為什麼明知道要玩蛇齋餅粽你不夠玩你還要玩?為什麼沒人呼籲取消區議會?

嗯,因為區議會一人一票單議席單票制夠晒民主!但我寧願說是區議員這個職位是每一個政團可以提供給會友們距離最近的紅籮白。

民主,傳說中那麼美好的事物,遠遠地看的確很美。

來自北京、上海、廣東的一批學者和情況搜集機構人員,考察了香港區議會選舉全過程。七日,來自北京的一位國務院港澳事務辦公室官員在與來香港考察選舉的多位北京學者餐聚時說,看來政治明星僅僅靠口號靠理念,是無法扎根選民內心的。激烈的抗爭路線與社會主流民意也越來越遠。十年內香港雙普選相繼實施,在整體政治格局中,如果缺乏地區依託,泛民主派很難與建制派抗衡。

因而香港共產黨力量的成功,激勵北京政治改革。香港的勝選,展示用選票來贏得人心的光榮與夢想,煥發中共群眾路線再青春化的活力。香港工聯會的參選口號「撐勞工、為基層」,在議會政治的多黨競爭中,取得壓倒性勝利;中國大陸推動民主的政治工程,未來也肯定要面對真正全面民主選舉的洗禮,而不是當前的橡皮圖章「儀式」。香港可以,中國大陸也可以。香港選舉的贏家不僅是香港的選民,也是中國的十三億人民。http://www.bullogger.com/blogs/fuguoyong/archives/388286.aspx

大陸人民怎樣隔霧觀花怎樣以香港杯酒去澆中國的塊壘,我們可以隻眼開隻眼閉。但撫心自問,區議會在我們的生活中有多少重要性?

過百萬的人投票固然不少,但讓我們問這樣一個問題:我們投票是在投什麼?

其實一個負責任的選民,起碼應該在投票前,打個電話,問一問候選人:你對於禁止區內亂燒衣的情況有何良策?又或者:來年我打算學法文,你閣下當選的話可否開班?

倘若這個傻瓜蛋答你燒衣是中國人的優良傳統,又或者一口答應法文班一定開得成,你已經可以立即將此人剔除考慮之列了!

又讓我們設想一下,在我們百多萬的投票者當中,有多少人曾經因為某個議題親身到區議會旁聽過區議員們開會的?1%有嗎?又或者,在四年當中,你幾時收到過區議員向你匯報他在區議會發言討論關注的事項呢?

代議制民主本來就可說是一種欺騙性的假象,現在墮落的投票者借虛假的投入原諒自己的墮落。

其實拿300蚊去投票的人並不算墮落,我覺得真正可悲的是那些覺得自己的選票是拿來懲罰某人的工具,有些人因為覺得成功踢走某位自己不喜歡的議員而開心不已,這無疑是一個十分明顯的心理陷阱。為什麼要懲罰?懲罰了又有何值得開心?他白逗了四年人工拍拍屁股走人,他不再為你服務,有什麼值得開心的?

 

40 thoughts on “論區議會

      • 痴線
        咁又發爛渣?
        你這個傻瓜蛋次次都以無知襯托我的睿智
        我又點會發爛渣呢?
        既然你為我好
        我就話不妨告訴你啦—–我又係特登架(真)
        我相信你應該冇請教過荒言老師了
        表表者其實是一個通行而且正確的詞

      • 又要發爛渣又要唔認
        又係自稱特登﹐一點新意都無
        還有﹐你不要無啦啦提荒言啦﹐
        而家你不是寫表表者﹐是表表姐﹐OK﹖
        又﹐你唔好無故提起荒言﹐好危險的﹐哲人王會話你畫公仔畫出腸的(閃)

      • 喂,你老實d好喎
        話晒文少個花朵都好響下架喎
        你明明就係針對”表表者”
        否則你講什麼”佼佼者”?
        我不和你糾纏是對你的尊重
        沒想到你又兜
        又,你估荒言老師會來這裡睇下我仲有冇鬧佢咩
        鍾意喃嘸的人是不會太看人家的東西的

      • 發雞盲有個限度好
        我第一篇留言﹐開宗名義寫著﹕
        是佼佼者﹐非表表姐也。
        你文章哪兒是寫「表表者」呢﹖
        又﹐我幾時話荒言會來睇你呢﹖
        我係話哲人王早排講壞文字﹐小心比人話你畫公仔畫出腸咋嘛﹖(爆)


      • 若果我不是一向知道你天真慣
        一定以為你誠信破產
        你認為表表姐錯
        係咪應該叫我寫”表表者”呢?
        我寫成表表姐,好明顯係特登兼有深意架啦

        其實我係戥阿荒言老師慘
        佢被我鬧都應該比被哲人王串來得開心

      • 又天真呀﹐你悶唔悶啊﹖
        我真係唔明你個腦咩構造
        點解我覺得表表姐寫錯﹐就應該叫你寫「表表者」呢﹖
        即係你寫一個別字﹐我叫你寫另一個別字先啱啊﹖
        你當年究竟係讀書定讀屎片ga﹖
        至於你D所謂另有深意﹐又係算吧啦
        比到你盡當你係玩食字﹖定你又可以9up一堆似是而非的大道理呀﹖
        你仲要提返荒言﹐條友係字典派﹐既然佢話字典已經將呢個別字收編入去﹐我可以點呀﹖
        唔通話佼佼者係源自《後漢書》「卿所謂鐵中錚錚,傭中佼佼者」呀﹖
        然後對住個字典派﹐話字典習非成是啊﹖有意思咩﹖
        最後你講返哲人王果壇嘢﹐拿﹐哲人王唔關我事啊﹐我咩都無講呀﹐係ohce爆響口咋!(閃)

      • 唉,讀屎片都出埋呀?
        文少呀,你要耀武揚威就去哲人王果度啦
        我就不紐都不學無術架喇
        不過佼佼者D咁小學生既詞語
        我就唔會好似你發現新大陸咁去教人囉
        你仲係度死兜
        講到尾一句你係咪認為”表表者”係錯先?
        係就簡單好多啦
        說到天真
        聽講係你自己自認架喎
        你要聲明你唔係既
        隨便啦

      • 我問你天真有乜問題﹐轉頭變自認呀﹖
        你D砌生豬肉能力﹐真係勁過O記(爆)
        同埋﹐我幾時係哲人王果樹耀武揚威先﹖
        你睇下我比神州抽水抽到乾晒﹐都唔腰潤佢就知我幾忍手啦﹖
        至於你係唔係不學無術﹐我就唔知啦
        我淨係知道將佼佼者寫做表表姐好搞笑lor~~
        同埋人地想睇下你點兜咋嘛﹖鬼知你又係炒冷飯﹐無新爆點呢﹖
        至於你問我係咪認為”表表者”係錯先?
        就真係問來多餘啦…

      • 乜你被神州抽到乾晒咩?真係陰功囉
        文少真係不復當年勇囉
        不過人係應該進步既
        你自認天真的問題
        你竟然以為是剛剛發生的事?
        反省下啦文少
        至於表表者
        冇人問你任何野
        係你有高見要發表
        我任你UP咁解
        不過你一向都係咁架啦
        一問就縮架喇
        宜家又話多餘
        多餘你一開始就講乜野呢?

      • //唔好係我度爆就得嘞!//
        好心你啦﹐哲人王﹐你唔好當其他人盲同白痴先得ga﹖
        有睇過佢個博的讀者﹐都知你腰潤緊邊個啦﹖(閃)

      • 你係咪間接讚我模仿佢嘅文風唯唯肖妙?睇佢網誌嘅人唔多,所以單係睇我篇文而知係講佢嘅人亦唔會多。

      • 講真
        王SIR的模仿有個問題
        就係你寫的東西雖然一截一截
        但就始終一句接一句
        脈胳清楚
        所以只得其形而缺乏了荒言老師那喃嘸般入玄入冥的精妙
        唉,算啦王SIR,有D野勉強不來的
        始終你是個正常人

      • 你睇你個人幾自大﹖我個人都夠自大啦﹐你仲自大過我(爆)
        梗係唔係啦
        係間接話你覺得ohce老大個blog係鬼屋﹐無乜人睇﹐於是你放心係度爆大鑊咋閃)

      • 如果唔係怕炒爛哲人王個場﹐晨早就發佢圍啦﹖
        至於所謂自認天真﹐我夠可以話你自認契弟啦﹖
        都擺到明老屈囉﹐仲反乜春省啊﹖
        至於你個表表姐﹐由頭到尾就係要睇你點兜
        有高論都係你講啦﹖
        例如我以為你會話
        將第一個表當粗口諧音用﹐意思就變成你一直想搞你個表姐咁解
        點知又係來來去去果堆垃圾﹐咩春天真呀﹑特登呀﹐再轉移視線去插荒言
        你話你個人幾無創見先得ga﹖
        仲有我話你多餘
        係你問埋D白痴問題嘛﹖
        我又唔想鬧你白痴﹐怕傷你自尊
        咪唯有話你D多餘囉。

      • 你這個傻瓜蛋
        你天真的其中一個證據就是你太過自我中心
        你以為你鬧人就你係惡你威
        你鬧人只係代表你沒有說理討論的能力
        代表你自以為是
        代表你發爛渣
        明白嗎?
        好似你鬧我白痴,根本不可能傷害我半點自尊
        反而會間接證明你是個白痴
        因為只有白痴的人才會認為OHCE是白痴 (爆)
        和你開玩笑你永遠都缺乏雅量去接受
        人家寫的說的你又缺乏誠意去了理解
        簡簡單單的事你永遠可以糾纏不清
        我只能體諒你缺乏知性的安全感
        所以永遠都要一問即縮拉來扯去不着邊際
        至於表表者的問題
        如果你說你想討論
        請圍繞主題吧

      • 乜我有鬧過你咩﹖
        大佬啊﹐我由頭到尾都只係撚化緊你咋嘛﹖
        你當我鬧你呀﹖唔怪得你要發爛渣啦﹖
        至於你白唔白痴
        你問我「係咪認為”表表者”係錯先」呢類多餘問題
        就唔需要間接﹐而係直接證明你係一個白痴。
        仲有﹐我由頭到尾都係同你玩緊﹐陪你9up過日晨
        正如我寫博只不過係吹吹水﹐用來打發時間一樣
        何來乜鬼雅量乜鬼誠意同乜春理解呢﹖
        總之﹐都係一句到尾﹐溫馨提示就比過你
        你咁把炮的話﹐就拎D證據出來﹐調返轉頭話佼佼者個寫法先係錯
        至於你係都堅持要用表表者去表你個表姐
        我都真係無你辦法
        你自己看著辦吧。


      • 你終於認自己9UP過日辰
        咁就得喇
        唔好又話人屈你喇
        不過恕我不奉陪了
        至於撚化嘛
        你撚化陶傑我就唔會反駁你
        你話撚化我就…..
        哈哈
        唔好精神自慰喇文少
        大個仔架喇


      • 係人都知我一向虛懷若谷從善如流架喇
        相反
        你的自大就很不可救藥
        你憑什麼說人家是錯?
        你為什麼要假設人家是”撐”?
        你係唔明既咪謙虛d請教下我囉
        哥哥一定教你架嘛

      • 用表表姐梗係絕對對啦
        注意是用法正確
        表表者則是一個正確的詞
        雖然我知道很多人以為是錯的
        應該包括你在內?

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s