各位,根據王岸然大師的推測,律政司黃仁龍是個陰謀家,準備做隔代特首!雖然文章寫來很有陳雲式的妖味,尤其說到最後,什麼「與前任的梁愛詩相比,身為共產黨員或共產黨高度信任的人,梁愛詩和董建華比黃仁龍、曾蔭權、唐唐這一隊人更顯包容。」真是令人想笑!
不過話說回來,黃仁龍想當特首應該是真的,證據是什麼?證據就在於他決定上訴,再告陳志雲!
各位,正如我一早已經分析過,志雲大師根本一早已經候實個特首寶座,最近又話密會黎智英,唔使審都係爭取定民主派支持,再不然就過檔壹傳媒混三年,待下任特首梁振英振臂起錨23條立法50萬人再上街之際,蘋果又出號外助勢,陳總慨然登壇,左邊是叢培昆,率飛虎將軍數十,右邊是王喜,領黃衣喇嘛一列,身後還有數不盡的昔日部屬,全是如假包換的花旦小生俊男美女,什麼陳豪黃宗澤楊怡林峯,陳總玉臂一揮,高呼:真的造反了,造反假不了!台下諸眾,莫不靡從,數十萬信教人士高呼願主打救,如此這般,香港想不變天都難了!
所以,黃仁龍打陳志雲,絕對可能是一個政治任務,亦都可能只是一個私人任務!不過你們少擔心,你以為黃仁龍這樣就能夠得逞?啍啍,你們真是太天真太傻了!
陳志雲做特首的話﹐沈旭暉點諗算﹖葉劉又點諗算﹖
你睇下沈旭暉早排出臨界點聲明之時﹐先信誓旦旦話唔再講香港時政
轉過頭﹐又幫日月神報同思歪出手搞唐唐啦~~
小沈呀?我相信還要再多等一會了
小沈…我會以為你講小沈陽
話又說回來﹐可能小沈陽比沈旭暉﹐更有機會做特首!
同埋你之前寫陳志雲篇文有個bug
第五任特首選舉任期﹐係2017-2022年。
見你咁斯文幫我DEBUG
我就話你知啦,其實我是特登咁寫架!(真)
又係呢招﹐老唔老土D﹖
我睇你呢鑊點兜!
丫,你個人真係無得救既,我OHCE幾時呃過你先得架?
我咁寫係專登引人挑機,都不知幾巧妙咁暗示左香港政治無能(真),每個特首都不得善終(誤),說好的特首任期?你只是提醒了我們這是一個笑話!
煲呔仲有幾個月貨仔﹐我諗阿爺斷唔會係呢個時候﹐叫煲呔腳痛落台呀嘛﹖
只要煲呔今鑊埋到尾﹐自然就打破腳痛定律la﹖
從此﹐特首同國家主席任期重疊﹐就唔會再有腳痛問題(笑)
煲呔落台就梗係頭痛啦!咁算唔算打破定律先?佢都落埋台香港就真係名垂青史啦!到時小沈就真係有機啦!因為到時淨係向各國解構香港經驗都天下無敵了(爆)
唔好玩la~~阿爺就算幾唔妥煲呔﹐最多都係叫王爺出來大叫﹕成也英國敗也英國咋嘛﹖
除非煲呔係呢段時間﹐比人踢爆佢偷亞婆底褲﹐就唔同講法!
喂,你唔俾唐英年突然逼宮架!
無可能﹐唐唐係低B﹐但唔係傻。
錯了,導致他逼宮的,傻並不是必要條件!
我知道﹐范太至係條件。