(十六)幫羅力威寫歌

可憐的羅力威,連續被KO了兩次!

ohce, 原來你這麼厲害,隨口都說得出這樣的歌詞,押韻的耶…….為了掩飾尷尬,羅竟向我賣口乖。

我連忙洒手,力威呀,如果我作得出這些詞,我就去了商台做DJ啦!

“臭到令人嘔吐”的那首,是你的死對頭林欣彤的處女作,叫做〈洗澡〉,我不是一早已經跟你說了嗎,林欣彤是在廁所修煉的,她很知道誘惑的藝術。什麼?你不知道這首歌說什麼?一點想像力都沒有,怎做歌手呀?這首歌很明顯,是說禁室培慾啦,不過這首歌劣評如潮,不說也罷。

另一首是the pancakes 的〈腦殘遊記〉,怎麼樣?是不是很有趣?網民勁LIKE喎!

什麼?低能?你真是唔識貨,人家戟姐都不知幾多FANS,由歐洲到廣州,出口轉內銷,都不知幾威!很多自以為有品味夠眼光聽很多歌的人推崇的,連你的好人阿健吾生都訪問過她的,乜他沒給你介紹她咩?哦,沒也難怪,因為她始終是個女人,而且這狗賊訪問人家一向只懂八卦,寫這位可憐的獨立歌手的那篇,你只會看到他一門心思的就只有一個目的,就是篤爆人家在維基百科都保密的女人的秘密!

真的,我真是真心替每一位受過健吾訪問的人而悲哀,俾丁點識見過我得唔得呀?

你看那個鄧小巧,受過訪問之後就歡天喜地,健吾拿著這些爛過屎的文章走去出書,她就去搶,美滋滋的拍照,好心啦,睇下篇訪問寫乜先得架!提你個名就以為是幫你?叫你親愛的你就冧晒?蚚蜴仔可以幫你開部戲捧你做星女郎添呀~~~~~~

好了好了,OHCE,不要再罵健吾了,他的FANS比我的還要多呢,你小心點才好。羅說。

唉!力威呀,你估我想架咩,我沒想到你的知名度原來咁低的,連BLOG壇小靈通阿文少都不知你乜水,我才轉移目標爭取收視的。我真的沒想到你原來是票房毒藥來的!這樣吧,我幫你度身訂做番首主打歌,你幫我唱行佢,好不好先?歌名就叫做……….. 〈洗廁〉,怎麼樣?

 

50 thoughts on “(十六)幫羅力威寫歌

  1. 嘩,「去商台做DJ」呢句咁岩係你另一篇文睇到,apply得好好呀!Good~~~
    之前你話愈是亂來,愈是天才,我聽出了弦外之音!!

    曾經睇過林奕華齣design for living生活與生存,點解同阿健5新書書名咁似既?
    咁都出書,四個大字,唯利是圖!同時,那幅照片,再一次証明,那個媒體工具真的是一個放風場,餵狗糧!
    突然之間,我想起某間大企業之前泄漏新手機型號,這也可能是一種宣傳,就是要你們知道—-我們將會推出一下代—-這樣人地想買其他電話都唔啦,等你出新款啦~~如果d書講到咁缺市,又要搶(像搶盬嗎?There are so many crazy people in the world),係唔係想產生同一效果先?

    如果你隻出版,就會變做洗廁板~~~~~

    • 每次comment都食箭咀字,已經係第2次喇,下次唔用呢個符號,玩fill in the blank咩..:)

      如果你隻「洗廁」出版,就會變做洗廁板~~~~~

    • 小可呀
      經我初步鑑定
      你患有輕微思想紊亂症
      切忌再看健吾以及沈旭暉的文章
      早午晚將我的文章朗誦一次
      抄寫效果更佳
      持續三年,應該可以病除兼升呢
      切記
      切記

  2. 條友當年唔係學人玩中國風咩﹖
    一於學大陸許嵩﹐人家寫清明雨上﹐佢就整首端午潮汛
    塞返三五七八九個成語﹐搞到好似成語動畫廊一樣﹐再插兩三句離騷入去
    例如塞返兩句﹕
    時曖曖其將罷兮,結幽蘭而延佇;
    世溷濁而不分兮,好蔽美而嫉妒。

    又成語又離騷仲玩埋斷背﹐絕對好很掂la

    • 你是指林生?這是近年一套說辦公室政治及金融海嘯的作品,不太中國風:)
      文少你真係好文采。但我較喜歡十年生死兩茫茫既style~~~~

      • 小可
        其實文少和你真是天生一對的
        兩個都係咁…………………….好傾
        你很快就會愛上他的了

      • 你係咪overlook左呀,我話,我比較喜歡這個人的style:

        意境?………..十年生死兩茫茫,不思量,自難忘~~~~~~~

        誰說的?蘇軾?
        好嬲呀

      • 林某人呢類歌詞販子﹐我派過一次膠比佢﹐已經比人插到甩肺啦
        人家時常亂塞佛偈扮得道高僧的﹐林某人法力無邊﹐我點敢插佢﹖
        我係講羅力威首花無情啊~~
        當年ohce兄聽完之後﹐仲要寫返篇羅力威之亂去腰潤一番添﹖
        所以幾時都話﹐ohce就係中意重口味です
        又﹐自從羅力威出完首花無情之後﹐都無左影啦﹖

      • ohce﹐人家小可係你fans﹐你就唔好硬塞比我啦~~
        我呢類中三都未畢業的公仔佬﹐愛hotcha﹐SNSD﹐周姐卵﹐同e-kids啊EO2啊
        最愛聽cheap兜歌的
        唔適合同你地呢類樂評人ga~~
        例如﹐周姐卵我最愛騎李湘﹐騎李湘啊!!!

      • 原來係林忌﹐真係估你地唔到!(爆)
        我一直係講緊傳說中的夕爺咋~~
        你知喇﹐我上次插佢首殘酷遊戲﹐下場就非常壯烈la~~
        搞到今次wyman首那誰﹐中間段chorus寫到鬼五馬六
        我都唔敢插佢
        唉﹐總之而家D人寫歌詞﹐隨意過隨意肌喇~~

      • 瞞你咩呢﹖小可係你fans﹐追睇你果個所謂專訪﹐就擺到明係客觀事實啦
        我中意hotcha同SNSD﹐最愛SNSD個Jessica﹐就真係全地球人都知gala wor

      • 你話ohce愛重口味﹐就係人都知gala
        例如條友無叉叉會講鄧小巧﹐大佬呀﹐鄧小巧何許人也﹖
        一個識唱歌的肥妹有咩好講呢﹖ohce不如講maria cordero算數喇~~

      • 講起蘇東波﹐就勁囉
        柏林圍牆倒下﹐到蘇聯解體﹐乃至全聚德賣賣下北京填鴨改行賣東坡肉﹐都係因為蘇東波咋~~

      • 文少,我唔係淨係睇呢個所謂專訪ga~ 我睇過ohce好多篇唔同既文章,只不過冇俾feedback, 佢開左咁多個壇,我冇去逐一回應咋~~~ 點都好啦,佢真係冇得壇~~~~~

      • 叫你唔好成日睇我個blog gala﹐睇得多會連寫作水平都會大倒退ga(真)
        你睇你以前﹐又有對聯又有用好多成語動畫廊都唔肯用的成語
        你睇你而家﹐淪落到要幫羅力威呢類樂壇魚蛋粉寫歌詞
        仲狂插建吾呢類人盡可夫的基佬
        ohce﹐你咁唔得ga~~

      • 我都覺係🙂
        自從你又係自己既blog不停播放哀樂
        我就真係睇唔落你既文
        而冇睇之後,真係覺得筆力大增
        連寫健吾羅力威都愉快滋味
        食魚蛋粉食出燒鵝味道🙂

      • 原來你睇過ohce好多篇唔同既文章ga﹖
        我一篇都無睇過呀﹐陰公。
        我每次睇ohce D文﹐大部份時間都係用谷歌查佢用的成語ga~~
        例如佢今鑊用果個道在屎溺﹐就真係唔查都唔知原來係出自莊子ga~~
        勁到呢~~簡直係學識淵博﹐臭到冤﹑唔想駁(閃)

      • 文少又幾語重心長架喎 印象中你已經話過佢呢樣野 要對聯加四字詞 唔好學你用台語

      • 食魚蛋粉食出燒鵝味道,喝普通咖啡喝出了星巴克~! 你既文仲”kun”過星巴克,令人上癮🙂

      • Ohce對事物嘅理解﹐簡直唔可以用常識來理解的
        例如條友明明好唔妥健吾﹐又成日寫文插人﹐條友係屎忽鬼來的﹐你越插佢就越開心啦﹖
        你睇下我﹖插沈旭暉都係插一鑊咋嘛﹖
        陶某人待遇好少少﹐我插兩鑊(笑)

      • 梗係啦﹐對聯加四字成語﹐係ohce兄生招牌來的嘛﹖
        就正如寫廣東話口語﹐本來就係我生招牌
        無奈比女讀者投訴得多﹐先改行用京片子同台語咋…
        香港人成日話撐粵語﹐但行文就跟京片子﹐簡直係人格分裂。

    • 我唔開哀樂﹐點趕客呢﹖
      我都係為你好咋﹖遲D我播戰馬奔騰添啊~~
      好似你明明寫開樂壇的﹐自從唔小心睇左我個博客﹐你就痴Q左線﹐狂講時事﹐連最低工資都夠膽寫到88…之前如果唔係同條女返廣州玩﹐我驚你寫到2046添啊~~
      至於食魚蛋粉食出燒鵝味﹐你就真係要睇醫生啦
      思覺失調係有得醫ga﹐真ga!

    • 連屈機都夠膽寫,令人難以置信~~
      見到一些冷知識都會質疑la,但呢個分明係錯知識黎啵,冇人correct返佢? 哈
      長江後浪推前浪,弊在一浪不如一浪既時候,遲d真係波平如鏡(令人想入非非的成語)
      如果一個人成日俾錯知識,偽思想洗腦,真係好易誤入歧途。
      我要比清水更清,白水更白!

    • 是不是偽基百科入侵呀?
      不過”屈機”似乎並不是生安白造的喎
      文少
      是發揮你的史學精神的時候了:)

    • yeah﹐你都唔睇TVB的﹐點獲得全球最快腦殘資訊﹐與時並進呀﹖
      屈機﹐係TVB電視劇﹕秋香老點唐伯虎﹐唔係﹐係《秋香怒點唐伯虎》的角色來的﹐設定係屈原後人﹐同唐伯虎好熟ga~~套劇仲有一集﹐神奇到唐伯虎連埋屈機﹐偶遇明代四大才子﹐一齊背周星馳版《唐伯虎》的對聯添
      神奇係﹐唐伯虎偶遇明代四大才子﹐咁唐伯虎係咩呢﹖第五大才子啊﹖(謎)

  3. 真係唔夠你地玩:)
    原來林某人指的是林夕
    一般不會咁講架嘛
    而且印象中你冇批過林夕嘛
    我就成日寫佢,又大又小,都冇事
    果然是人怕出名豬怕壯呀:)

    • 星爺話齋﹕比你估到﹐我就唔係食神啦﹖
      如果一開始叫佢夕爺﹐就唔係曲筆隱喻啦﹖
      我學沈旭西呀嘛﹖
      我成日係哲學博士個blog﹐寫沈某人呀陶某人呀李某人呀﹐林某雲呀
      人家哲學博士明﹐我諗住你都明呀嘛﹖
      我唯有哎句﹕喇叭﹐錯得太遲囉(爆)
      至於插夕爺﹐我插過兩鑊ga
      第一鑊插殘酷油器﹐就真係大大鑊ga﹐有成萬點擊呀﹐又比人話我係中三都畢唔到業的公仔佬﹐無資格話夕爺呀﹐陰公!

      • 博士都有分入世同出世架, 入世既博士,你問佢野,佢會有一種「講你都唔明架啦」既感覺,你指既應該係出世D既博士🙂

      • 死﹐咩叫入世的博士同出世的博士呢﹖
        我講果幾個博士﹐全部都無出家做和尚
        出乜世﹖(謎)
        至於博士的特點﹐就係熱愛拋書包

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s