最低工資8–文少論失業

文少的天真—-「文少研究室」堅實的研究成果之一—-相信大家已經知之甚詳的了,但我們沒有想到的是,文少竟然一而再、再而三的好像小朋友逗大人開心似的,不知疲倦地展示他自成一格的—-文少的天真!

對於最低工資造成的後果,文少一直都以極為堅定毫不動搖的意志堅持他的看法,沒想到,在他的稿費是怎樣呃來的,我們驚訝地看到:

我炒人了﹐又有人被炒了﹐失業率當然是已經提高了啦﹖

我突然間有點若有所悟。莫非文少認為最低工資會好心做事、會刺激通脹、會害了低技術工人……..不是基於這個那個研究,而僅僅是通過他自己的”實證”支持?

老實說,我一直以為文少提出自己的個案僅僅只是一個心情分享,但相信現在我們必須重新審視文少的心理結構,方能真確理解文少的論點。

各位,文少以為自己炒人就會令失業率提高!?這是極為令人驚訝、令人哭笑不得的,因為根據勞工處的定義:

失 業 人 口 包 括 所 有 符 合 下 列 條 件 的 十 五 歲 及 以 上 人 士 :
(a) 在 統 計 前 七 天 內 並 無 職 位 , 且 並 無 為 賺 取 薪 酬 或 利 潤 而 工 作 ; 及
(b) 在 統 計 前 七 天 內 隨 時 可 工 作 ; 及
(c) 在 統 計 前 三 十 天 內 有 找 尋 工 作 。

你看,文少的天真是不是令人髮指先?

好了,就算我們不促狹文少,但理性點說,文少想要做無良老闆搏員工放炸彈剪電線報復是隨時可行,但要提高失業率,起碼還要看這個員工能不能找到另一位工的嘛,你說對不對?

再退一步來說好了,就算文少是周星馳,他選用的員工全部都是歪瓜劣枣,只要他一炒,他們連做鴨都絕無可能,即使是這樣,你說文少成功提高了社會失業率麼?

別,千萬別要像文少那樣天真,你們這些傻瓜!你們不是文少,你們沒有天真的權利!


16 thoughts on “最低工資8–文少論失業

  1. 我認為﹐我只是提出一個實證﹐我沒有也沒必要去詳細解釋我炒人同失業率之間的關係﹐否則我要寫好多字。
    因為﹐我不是你﹐我沒有拿一句說話就能吹幾百字的嗜好。
    其次﹐我就硬係唔明﹐點解炒一個人就係無良。你用用下個手機plan﹐cancel左佢算唔算無良﹖
    我反而有興趣的是﹐你有甚麼比我更實證﹑更有系統的方法﹐證明最低工資不會引致失業。

    • 文少你何止吹幾百字呀
      吹幾百篇添呀
      偏偏重點你唔寫?
      “無良”在這裡沒有道德意味
      不要過敏

    • 係你覺得係重點囉﹐我唔覺得係重點﹐因為我請咩人﹐自己有眼見的
      講重點你仲無重點啦﹐你問我必答﹐我問你就飄走去…你話你幾無良呢﹖
      都係呢句﹕你有甚麼比我更實證﹑更有系統的方法﹐證明最低工資不會引致失業﹖
      你個許寶強無貨派﹐我真係好期待你有料答呀~~~

      • 文少呀
        舉證責任在你那裡:)
        你要證明”我炒人了﹐又有人被炒了﹐失業率當然是已經提高了”這一句我相信你要寫多次銅鑼灣之死先搞得掂

      • 我唔係寫論文﹐亦唔係落charge告許寶強﹐我當然係無舉證責任的。(笑)
        其實你用常理去理解都會明白﹐一間公司會在最低工資後炒的人﹐都是前線的﹑低技術的﹑基層的﹐而且係唔做得野的員工﹐這類人本來就是在人力市場中較易失業同難找工作的人。
        btw﹐你究竟有無辦法證明最低工資不會引致失業ga﹖無就出聲啦!

      • 無就出聲?係咪文少有關照先?:)
        其實文少你這個論點我已經知道了
        我認為……………..這不是重點(爆)
        言歸正傳,咁無辦法證明最低工資不會引致失業,即係點?

      • 無乜點﹐咪就係最低工資其實是呃細路galor
        當然﹐最低工資係咪呃細路﹐唔係重點
        因為被人炒﹐搞到失業﹐搞到人工縮水的﹐唔係我
        正所謂斷人錢財有如殺人父母﹐最低工資搞到我無啦啦賺少左錢﹐先至係重點(爆)
        我咁認真插最低工資﹐原因係關我事﹐正如我插禁煙都插到出晒水
        所以我其實有少少唔明﹐如果你同神州之流﹐並無因最低工資而直接受惠﹐何解要出衡奶力同我爭拗呢個問題呢﹖(當然﹐你似探討多D﹐笑)
        如果你答我﹐係因為關心社會的話﹐我會叫你
        慳D啦~~(惡)

      • 又﹐你個「這不是重點」﹐係話我個炒人導致失業的解釋呀﹖定係你有無辦法證明最低工資不會引致失業先﹖

      • 然後﹖咩然後呀﹖
        咪就係D人支持最低工資可以幫到基層﹐結果其實係幫倒忙囉﹖
        搞到人工都無埋啦﹐你將最低工資加到1萬蚊時薪都無用。

      • 喂文少
        寫多點字都要架喇
        解釋下點解你會咁肯定失業率上升啦
        唔好又loop用常識想都想到那一段喎
        重點是點解你咁肯定
        而你估計的效果有多大?

      • 唔係我想loop﹐係人地已經答左你嘛﹖
        其實我肯定﹐因為我同同行﹐都有左行動嘛﹖
        我炒左人﹐我同行又炒左人﹐而炒果D人本來就係前線的﹑低技術的﹑基層的﹑低學歷的﹐而且係唔做得野的員工﹐而最低工資會令部份公司請少左人﹐要再找一份新工﹐無咁容易。
        其實新聞係有報導的﹐最低工資係會令網吧業剝減人手的。當然﹐你唔係行內人﹐你唔會知道市場情況﹐亦唔會知道前線員工請緊咩野人﹐但我可以負責任講﹐最低工資肯定會令網吧業經營環境惡化囉。
        當然﹐你可以話全港只係得返百幾間網吧﹐炒到盡都係炒百來人的﹐呢百來人如果唔係有紋身有案底﹐可能會回流返麥當勞/肯德基。
        問題係香港飲食業有好多係中小企來的﹐開間餐廳養家﹐究竟人工上漲之後﹐小企式食肆仲有幾多利潤空間呢﹖又有幾多原本諗住創業的人﹐打退堂鼓呢﹖握殺左幾多潛在就業機會﹐這亦是值得考量的。
        當然﹐我本身都唔知你有無做生意﹐或者對你來講﹐生意可能真係無咩大影響未定的。
        例如你係做bar的(我以前都有入股玩過)﹐清潔晨早外判了﹐細bar又唔洗點請人﹐人工最高可能係拳手﹐bar-tender晨早過最低工資了﹐最低工資當然對你無影響。
        如果你無搞生意﹐我就覺得你未嘗試換位思考囉﹖
        又﹐我其實試過換位思考的﹐又假設諗過自己生意失敗﹐要做返打工仔﹐會唔會支持最低工資。但正因為換位思考過﹐就發現自己作為一個公仔佬﹐又無特殊技能﹐本身就難搵工﹐而家你搞完最低工資﹐外賣仔都28蚊粒鐘﹐會唔會搞到我想做外賣仔都無人請呢﹖
        唔知點解﹐我硬係覺得﹐大部份支持最低工資的人﹐都不是草根的﹐而係讀過書又懶係覺得草根好可憐的所謂知識分子。

  2. 又﹐我係老細﹐你可以話我反對最低工資﹐縮骨無良市儈算死草呀﹖
    但另一個sinablogger﹐老清﹐是個看更來的﹐而且直接因最低工資受惠的﹐點解又會反對呢﹖
    我覺得﹐你究竟有無設身處地去諗下﹐前線基層員工的就業環境同前景呢﹖

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s