>論農夫什麼時候消失

>來了個妄想症患者JEFF,人家只不過問他是不是農奴而已,他就來了:

乜唔同意見就一定係農奴? 我又係OHCE身上學到野.
咦? 有D似紅衛兵, 難怪有文化大革命….非友即敵, 非友即敵…對不起, 我想得太多. 我小小蟻民如何值得OHCE 日日一篇扑去 撚(打錯字)教化一番….

真是好像上了身一樣!嚇鬼死人!

之後還要連珠炮發:

我而家睇閣下BLOG 當睇真情一樣, 有一日如果你唔再講農夫, 我驚我生活冇晒目標…希望你當做善事, 日日寫落去, 寫到佢地退出樂壇,要佢地寫悔過書直認無知冇料為止….為香港樂壇出一分力.
希望你唔好放棄, 地球需要一D正義超人, 不厭其煩講道理. 拯救無知樂迷…..

 唉!搞得我一時都不知應不應該……………………撚化佢好!須知道,我是一個很有同情心的人來的。

JEFF呀,如果你需要的話,我就滿足一下你吧!不過其實農夫在樂壇的日子應該都無多的了–假設他們還有點自知之明的話。

農夫好像也差不多30了吧?根據我的觀察,一般歌星去到30歲之後,創作力不干塘都走下坡的了,而表演慾也會產生顯著的變化。你看看四大天王個個都走去拍電影就多少有點啟示!

周杰倫比較幸運,因為開頭開得太好,所以一直原地踏步花樣翻新都會視作創作不斷,但到近年也的起心肝往電影那邊發展了!

謝霆鋒就比較誠實,創作力在幾年間一下放煙花般爆發完就算了,他很早就承認自己已經干塘,所以在電影方面即使完全不是擔網人物,他都一心一意一早轉軌現在做埋影帝添。

農夫這個CASE就比較特別,因為他們根本從一開始就沒有創作才華,全部都是敷衍湊興之作,很不幸地在幾乎可稱為樂壇饑饉期的時候被饑不擇食的小學生和無知白領不理好丑但求就手拿來頂肚,以至產生了「農夫之亂」──香港樂壇可悲的一頁!

所以只要農奴們一日還未食飽,農夫幾乎都可以一直供應下去,因為他們生產所需,並不是「才華」,只是「大米」而已!而他們拍過的垃圾電影《六樓後座》就更令他們沒有太多選擇了!

當然了,我相信農還是應該很快會在樂壇消失,並不是基於還會有老闆找他們拍電影,也不是他們會良心發現,而是一個非常基本的原理!這個原理相信像JEFF這種以為靠我隨便寫寫罵罵就能叫他們退出樂壇的傻瓜是不會看得到的!


8 thoughts on “>論農夫什麼時候消失

  1. >溫馨提示農夫拍的是《六樓后座2》喔雖然我都無睇反正從casting已經令我提不起勁其實做創作歌手好難除左ohce兄提過既歌手其他如張敬軒早期作品 簡單悅耳到而家已經乾哂塘身為支持佢既人 的確一次又一次失望而回王力宏 陶喆都開始失蹤孫燕姿 范瑋琪 岩岩又嫁左人得番個林俊傑(方大同我唔係好想提佢)一排無靈感就好快俾傳媒踩死不過農夫寫rap話寫乜就寫乜嘆氣講句 不談作品水準話佢會短期滅亡又真係難d既

  2. >嘩DOUG兄你口味都好闊喎你對樂壇的認識肯定比我好100倍快點寫篇華語樂壇分析報告俾我學習學習

  3. >嗯﹐如果有TVB支援的話﹐農夫或者可以玩多幾年當然﹐投靠TVB的代價﹐結果可能係變成劉采玉。btw﹐我愛劉采玉(爆)

  4. >報告不是我所好 也不是我所長還望ohce兄繼續多分析好讓我能間中搭一下訕 : )回主題農夫的話ohce兄仲有排要寫佢地唔係話唔難但係創作rap比創作c-pop簡單題材闊 加上香港同行少competition消失? 可能真係要等佢地自願散band不過到時候ohce兄少了一個大題材去寫難免會寂寞喔(笑)

  5. >所以話ohce兄既功德真係可比法輪功, 眾人皆醉惟獨ohce 醒. 有一日希望可以係西洋菜街可以一賭閣下之風采.放假得閒, 就陪你玩下.呢個叫娛樂圈, 唔係藝術圈. 有人鐘意睇肉蒲團, 亦有人鍾意睇藝術片, 各有所求. 有人追求藝術成就, 有人只係打份工搵飯食. 點解唔可以俾條路人行, 唔得既自然會淘汰, 也不用ohce兄日日花盡心思審判.無線d劇集夠差, 我阿媽都唔知睇得幾開心. 只因佢當娛樂節目生活調劑, 開開心心過一晚. 對演員演技根本唔care, 唔通叫我阿媽晚晚睇?黎明都生存到, 張學友亦可以都生存, 你會唔會話黎明搶學友飯碗? 尹光唱咸濕歌生存到, 潘迪華唱jazz亦有大把fans, 根本冇衝突., 硬要用尹光同潘迪華比, 有乜謂. 又冇歌技又冇演技既黎明而家做埋老細, 識得食腦就生存得到. 日本可以有ABK48瘋摩萬千樂迷, 但southern all star 亦一樣大把fans 我會聽自然捲, 薩頂頂, 蘇打綠, 間唔中聽下演奏會, 唔通一聽農夫突然就會變反智? 呢個邏輯都要跟ohcelady gaga 著住底褲拍mv, 我又會睇, janis ian, suzanna vega, U2既反戰歌我又會聽. ( 斷估ohce兄聽歌咁多, 應該都識掛)日日只係執住一兩句歌詞挑挑剔剔, 聽多歌先再講啦. 錢多冇地方駛, 買隻農夫支持下先, 買番黎擺都捧下場.

  6. >點解農夫冇才華就要消失? 全香港從事娛樂事業超過一半人都係冇才華, 係咪都應該引退??? 農夫幾時俾人委任做教育局長, 要作育英材?唔通係問責官員所以要引咎消失???既然係咁, 我惟有推介ohce 睇多d教育電視. 夠晒益智. ohce 兄該不會而家係屋企偷偷睇tvb d 反智既劇集.

  7. >略看過閣下對農夫的批評,不外乎是「不知所謂」,「未夠班」,「沒才華」之類吧!然後又說這是小朋友才會迷的組合吧…說實在的,我也終於見識到「9嗡當秘笈」的功力,筆主一直自以為自己很有慧眼,又一矢中的什麼的……很抱歉,這兩個形容詞完全不能放在閣下的身上吧!「不過其實農夫在樂壇的日子應該都無多的了–假設他們還有點自知之明的話。」30歲就要淡出樂壇的理論是那門子理論?陳奕迅也36歲,依照你的看法,他應該早在幾年前消失了?李克勤43歲,那他呢,現在沒歌可唱嗎?古巨基38歲…你列舉的所謂例子,根本就是歌手本身的取向問題,而非他們被樂迷所拋棄…請你不要本未倒置吧!另外再說一句,請別以「創作力」去形容四大天王和謝霆鋒的實力,因為他們被非創作歌手,用一把聲音去感染別人的歌手,談何創作力呢?以上僅為「9嗡當秘笈」其中一例…說實在的,我連一點合理分析,一點中肯的評論都沒從閣下的文章中看到過,每次就直接下來的「不知所謂」,「未夠班」,「沒才華」…或是加以一些閣下憑空想像而沒理據的說話…你是想說服自己或是說服別人呢?說服自己的話,也許這就是你的程度吧!但欲說服別人的話,我想你可以到中學從新學習如何寫議論文吧!就算要貶低別人,也至少要有貶低人的能耐吧!

  8. >1/首先告訴我,你看過幾篇我寫農夫?2///另外再說一句,請別以「創作力」去形容四大天王和謝霆鋒的實力,因為他們被非創作歌手,用一把聲音去感染別人的歌手,談何創作力呢?以上僅為「9嗡當秘笈」其中一例…//點解你要咁侮辱自己?既然你認為自己"9嗡",為何要說?3///就算要貶低別人,也至少要有貶低人的能耐吧!//這句很對。你有這能耐了嗎?

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s